Archive for March, 2011

PHP study group is getStarted()

انهاردة يا جماعة فى اجتماعنا فى المكتبة كفريق للمشروع الخاص بالفريق غيرنا خطتنا وقولنا هنشتغل بي اتش بي بدلا من الايه اس بي وقررت اننا نبدأ فى فريق مذاكرة لللغة دي وكل اللى حابب ينضم لنا اهلا بيه طبعا وانضمامك لينا مش محتاج اى اوراق او تسجيل حتى انت بس تتابع احنا هنذاكر منين وتذاكر معانا ولو عندك اى استفسار ممكن تبعته ف اى مكان من اتجاهات الفريق سواء على جروب الفيس او على تويتر او حتى هنا او على ايميل الفريق وكلهم متواجدين فى صفحة اتصل بنا هنا
الماتيريال اللى اتفقنا عليها هتكون ان شاء الله على اسطوانة من اول انهاردة اللى حابب يشتريها ثمنها هيكون 2 جنيه بس
المسؤال عن توزيع الاسطوانة دى هيكون عمار على
محتويات الاسطوانة ان شاء الله هتكون عبارة عن كتاب او كتيب يعنى بمعنى اصح لامم البي اتش بي كلها فى 6 اجزاء هو ده اللى هنبدأ منه ان شاء الله وصاحب الكتيب ده هو صديق ليا طبعا مع حفظ حقوقه الفكرية هنذاكر منه وفيه ملف مضغوط تانى هيكون فيه كيفية عمل كل جزئية فى موقع بالبي اتش بي وطبعا مدونينه من على اليوتيوب كله ولكن بشكل مبسط و سهل وده هيكون بعد الانتهاء من الكتاب و ممكن خلال فترة المذاكرة دى نعمل كذا سيشن نشرح فيهم الاساسيات والله المستعان
لاي استفسارات او طلبات رجاء الكتابة هنا كتعليق او الكتابة على جروب الفيس بوك
بالتوفيق للجميع ،، 🙂

2 Comments

DevMix website project

building devmix website

السلام عليكم ورحمة الله وبركاته

ازيكوا يا شباب الفريق .. اخباركم ايه ؟؟ اتمنى تكونو جميعا بخير فى ظل الاجازة الممتدة اللى ان يشاء الله

البوست ده باعلن فيه عن انعقاد النية على البدء فى مشروع الويب سايت الخاص بالفريق ان شاء الله وزى ماتفقنا كل مشاريعنا وكل شغلنا مننا فينا مش هنستعين بحد يعملنا حاجة ان شاء الله ، لذلك عشان نبدأ فى المشروع لازم نجمع بعض ونعرف قدراتنا كلها فى مجال تطوير الويب ومجال الويب ديزاين ، يا ريت كل واحد يعرف يشتغل فى المشروع يتفضل مشكورا بعمل رد هنا معانا مع التأكد من انه متمكن فى احد المهارات الاتية على الاقل

  1. PHP or ASP.NET is required.
  2. “JavaScript and JQuery” or “silverlight” is required as very good.
  3. XHTML and CSS is required.
  4. SQLserver and MySQL experience is prefered.
  5. HTML5 and CSS3 is prefered.
  6. experience in server administration.
  7. experience of Web development or Web design in more than 2 websites before.
  8. any other experience in the Web World will be useful :).

يا ريت يا جماعة اللى يرد هنا يكون واثق انه فعلا ممكن يقدم حاجة من اللى ذكرت فوق دى للويب سايت بتاعنا وهو بيرد يا ريت يقول بس ممكن يساهم في ايه من الحاجات دي علما بان كل المساعدات تطوعية زى ماحنا عارفين كلنا حاجة اخير عاوز اقولها بس كتنويه .. المشروع ده مش من ضمن المشاريع التعليمية للفريق يعنى المطلوب يشتغل فيه يكون فعلا عارف هو بيعمل ايه مش لسة بيتعلم منه وهذا لكى ننجز الوقت سريعا ان شاء الله

شكرا لتعاونكم يا شباب وان شاء الله باقى المشاريع سيتم الاعلان عنها فى القريب العاجل

🙂 والسلام ختام

,

3 Comments